ریو اولمپکس میں ایتھلیٹس کے درمیان مقابلوں، چوروں کی کارروائیوں کے علاوہ پیار محبت کا سلسلہ بھی جاری ہے۔
دنیا میں لوگ شادی کی پیشکش کو خاص بنانے کے لیے اہم موقع کی تلاش میں رہتے ہیں۔ چینی ڈائیور ہے زی کے بوائے فرینڈ نے اس اعلان کے لیے ریو اولمپکس کا انتخاب کیا ہے۔
ہے زی نے تین میٹر سپرنگ بورڈ مقابلے میں سلور میڈل جیتا تو ساتھ ہی ان کے بوائے فرینڈ کن قائی نے شادی کی پیشکش کردی۔
ہے زی کے بوائے فرینڈ نے گھٹنوں کے بل بیٹھ کر انہیں انگوٹھی پیش کی جسے اس نے ہاں کہتے ہوئے قبول کرلیا۔