بھارت کے یوم آزادی کو کشمیری دنیا بھرمیں یوم سیاہ کے طورپرمنارہے ہیں۔ کشمیریوں نے پوری وادی میں سیا ہ پرچم لہرادئیے۔ سری نگرمیں مظاہرے پر بھارتی فوج کی فائرنگ سے دو کشمیری شہید ہوگئے۔ بھارتی وزیراعظم نریندرمودی کا کہنا ہے کہ بندوق اٹھانے والوں کے آگے نہیں جھکیں گے۔
کشمیریوں نے بھارت کے یوم آزادی کو یوم سیاہ بنادیا۔ پوری مقبوضہ وادی میں سیاہ پرچم لہرا دئیے گئے۔ کرفیوکے نفاذ کے باوجود کشمیری نوجوان گھروں سے باہرنکل آئے اوربھارت کی قابض افواج کے خلاف نعرے بازی شروع کردی
بھارت کے یوم آزادی پر قوم سے خطاب کرتے ہوئے بھارتی وزیراعظم نریندرمودی نے کہا کہ بھارت دہشتگردی کو کبھی برداشت نہیں کرے گا۔ بھارت دہشت گردوں کے سامنے کبھی نہیں جھکے گا۔
ان کا کہنا تھا کہ بندوق اٹھانے والے نوجوانوں کو کہتا ہوں ابھی بھی وقت ہے لوٹ آئیں۔ انہوں نے کہا کہ پاکستانی حکومت دہشت گردی کے نظریے سے متاثرہے اور وہاں دہشت گردوں کے گن گائے جاتے ہیں
پاکستان کے یوم آزادی پر کشمیریوں نے گذشتہ روز پوری وادی میں سبز ہلالی پرچم لہرا دئیے تھے مقبوضہ کشمیر پاکستان زندہ باد کے نعروں سے گونجتا رہا
