امریکی شہر نیویارک میں پولیس کے مطابق نامعلوم مسلح حملہ آور کی فائرنگ سے امام مسجد اور ان کا ایک نائب ہلاک ہو گیا۔
نیویارک کے علاقے کوئنز میں اس وقت امام پر فائرنگ کی گئی جب وہ ایک گلی سے پیدل گزر رہے تھے۔ مسلح شخص نے عقب سے دونوں کے سر پر گولی ماری۔ پولیس کا کہنا ہے کہ مشتبہ حملہ آور کی رنگت گندمی تھی۔
فائرنگ کے بعد امام کے نائب کو تشویشناک حالت میں ہسپتال منتقل کیا گیا جہاں وہ دم توڑ گئے۔
بولیس کا کہنا ہے کہ ہاتھ میں بندوق لیے ہوئے ایک شخص کو جائے وقوعہ کے قریب سے بھاگتے ہوئے دیکھا گیا لیکن اُسے حراست میں نہیں لیا گیا۔
اطلاعات کے مطابق مقامی مسلمان برادری کے لوگ جائے وقوعہ پر احتجاج کے لیے جمع ہو گئے ہیں۔
مسلمان برادری کا کہنا ہے کہ یہ واقعہ نفرت پر مبنی ہے۔ جبکہ پولیس کا کہنا ہے کہ ابھی تک ایسا کوئی اشارہ نہیں مل کہ امام کو ان کے عقیدے کی بنیاد پر ہدف بنایا گیا۔
55 سالہ امام مولانا اخون جی 2 برس قبل بنگلہ دیش سے نیویارک منتقل ہوئے تھے۔
