بھارتی دارالحکومت نئی دلی میں پاکستانی ہائی کمیشن میں یوم آزادی کی مناسبت سے تقریب اور پرچم کشائی کی۔ ہائی کمشنر عبدالباسط نے جشن آزادی کو کشمیر ک ی آزادی کے نام کردیا۔ انہوں نے کہا مقبوضہ کشمیر کے عوام اپنی جدوجہد کے ذریعے آزادی حاصل کرکے رہیں گے۔
تقریب سے خطاب کرتے ہوئے عبدالباسط نے کہا کہ مقبوضہ کشمیر کے عوام کی قربانیاں رائیگاں نہیں جائیں گی اور کشمیری بھارتی قبضے کے خلاف اپنی جدوجہد میں کامیاب ہوں گے۔
عبدالباسط نے اس سال کے جشن آزادی کو کشمیر کی آزادی کے نام کر دیا
انہوں نے عالمی برادری پر زور دیتے ہوئے کہا کہ کشمیریوں کو اقوام متحدہ کی قرار دادوں کے مطابق حق خود ارادیت دیا جائے۔
پاکستانی ہائی کمشنر نے کشمیر میں بھارتی فورسز کی جانب سے جاری بدترین تشدد کو روکنے کا بھی مطالبہ کیا۔
عبدالباسط نے اس عزم کا بھی اعادہ کیا کہ پاکستان کشمیری عوام کی سیاسی سفارتی اور اخلاقی مدد جاری رکھے گا۔