لندن کے اوول کرکٹ گراؤنڈ میں کھیلے جارہے سیریز کے چوتھے ٹیسٹ میں یونس خان نے اپنے کیریئر کی 32 ویں سنچری داغی۔
پاکستانی تجربہ کار بیٹسمین تمام ٹیسٹ ٹیموں کے خلاف سنچری بنا چکے ہیں۔
انگلینڈ کے خلاف انہوں نے کھیل کے تیسرے دن اپنی ڈبل سنچری مکمل کی۔ وہ 218رنز بنا کر آؤٹ ہوئے لیکن پاکستان کو ایک ایسی برتری دلوا گئے جہاں پاکستان کے لئے میچ جیتنا آسان ہو گیا ہے۔ یہ ان کے ٹیسٹ کیریئر کی چھٹی ڈبل سنچری ہے۔
یونس خان نے سری لنکا کے خلاف سب سے زیادہ 8 سنچریاں بنا رکھی ہیں جبکہ بھارت کیخلاف 5، انگلینڈ اور جنوبی افریقا کیخلاف 4، 4، آسٹریلیا اور بنگلہ دیش کے سامنے 3، 3، نیوزی لینڈ کیخلاف 2 اور زمبابوے کیخلاف ایک سنچری بنا رکھی ہے۔
کرکٹ کی تاریخ میں زیادہ سنچریاں بنانے کا عالمی اعزاز سچن ٹنڈولکر کو حاصل ہے جنہوں نے اپنے کیریئر میں 51 سنچریاں بنائیں۔
یونس خان کے باعث پاکستان نے پہلی اننگ میں 542رنز بنائے اور انگلینڈ کو 203رنز کا ٹارگٹ دیا۔
پاکستان کی برتری میں اسد شفیق نے بھی اہم کردار ادا کیا جنہوں نے 109رنز بنائے ، تاہم یونس نے آخری کھلاڑیوں کے ساتھ مل کر شاندار کھیل کا مظاہرہ کیا۔
سرفراز نے44اور محمد عامر نے39رنز بنا کر یونس خان کا بھرپور ساتھ نبھایا۔ محمد عامر ناقابل شکست رہے۔
