محمد ارشد قریشی
کراچی یونیورسٹی میں جشن آزادی کی تقریبات کا آغاز شاندار انداز میں شروع ہوگیا جس میں طلبہ اور اساتذہ کو جوش و خروش قابل دید ہے ، کراچی یونیورسٹی کو پاکستان کے سبز ہلالی پرچموں سے سجا دیا گیا یونیورسٹی کی اندرونی اور دیواروں پر جشن آزادی کے حوالے سے خوبصورت تصاویر بنائی گئی ہیں اور تمام شعبوں کو نہایت خوبصورتی سے سجایا گیا ہے ۔
ان تقریبات کا آغاز ہوا جس میں طلبہ نے پاکستان کے بہت طویل پرچم کو اپنے ہاتھوں میں تھامے ایک ریلی کا انعقاد کیا جشن آزادی کی تقریبات میں تمام طلبہ تنظیمیں بھی بڑھ چڑھ کر حصہ لے رہی ہیں ۔
طلبا اور طالبات نے سبز ہلالی پرچموں کے رنگوں والے لباس زیب تن کئے ہوئے تھے سینکڑوں طالبعلموں نے بہت خوبصورت انداز میں لفظ پاکستان لکھا جو نہایت دلکش نظر آرہا تھا۔
