بھارت نے کشمیریوں کو پاکستان کا یوم آزادی منانے سے روکنے کے لیے بھارتی فوج نے کرفیو میں مزید سختی کردی ہے۔ کشمیریوں کو نماز کی ادائیگی سے بھی روک دیا گیا۔ بھارتی حکومت نے اقوام متحدہ کے کمیشن برائے انسانی حقوق کو مقبوضہ وادی کے دورے کی اجازت دینے سے انکارکردیا۔
مقبوضہ کشمیر میں بھارتی فوج نے ظلم وبربریت کی حدیں پھلانگ دیں۔ پوری وادی میں 36 روز سے کرفیو نافذ ہے۔ بھارتی فوج نے مقبوضہ وادی کی اکثرمساجد کو تالے لگا دئیے ہیں۔ کشمیریوں کی بڑی تعداد گذشتہ روز نماز جمعہ بھی ادا نہ کرسکی۔ وادی میں انٹرنیٹ اور سوشل میڈیا پر پابندی عائدہے۔ موبائل فون سروس بھی معطل ہے۔