کراچی انٹربورڈ آفس میں 3 روز سے محکمہ اینٹی کرپشن ٹیم کی کارروائی کی ہے۔ آج پوچھ کچھ کے دوران اینٹی کرپشن ٹیم اور بورڈ کے عملے میں تلخ کلامی بھی ہوئی۔ چئیرمین انٹربورڈ کراچی اختر غوری نے انیٹی کرپشن عملے کے خلاف تھانے میں درخواست جمع کرا دی۔ درخواست میں کہا گیا ہے کہ اینٹی کرپشن کے عملے نے انٹربورڈ ملازمین کو بلا جواز زدو کوب کیا۔ اینٹی کرپشن کے عملے نے بورڈ آفس میں گھس کر توڑ پھوڑ کی اور نتائج خراب کرنے کے لیے بے جاہ مداخلت کی
انٹر بورڈ کے چیئر مین اختر غوری کی جانب سے ہنگامی پریس کانفرنس کی گئی۔ جس میں ان کا کہنا تھا کہ اینٹی کرپشن نے تمام امتحانی ریکارڈ خراب کر دیا ہے۔ کمپیوٹر سرور خراب ہو جانے اور امتحانی کاپیوں کی ترتیب بگڑ جانے کے باعث جن نتائج کا اعلان 2 دن قبل کیا جانا تھا اب 2 ماہ میں بھی ممکن نظر نہیں اتا۔
نتائج کی تبدیلی کی شکایات پر اینٹی کرپشن ڈپارٹمنٹ نے انٹر بورڈ کے عملے سے پوچھ کچھ کی۔ ایگزمینیشن ڈیپارٹمنٹ سے اہم دستاویزات کے ساتھ ساتھ کمپیوٹر اور عملے کے موبائل فونز کا ڈیٹا بھی تحویل میں لیا گیا