قومی اسمبلی کا آج کا اجلاس بھی کورم کی کمی کی نذر ہوگیا۔ جس کے بعد ایوان کی کارروائی 15اگست کی شام تک ملتوی کر دی گئی۔ اپوزیشن لیڈر خورشید شاہ نے کورم ٹوٹنے پر شدید برہمی کا اظہار کیا۔
ان کا کہنا تھا کہ حکومت اپنے ارکان کو ساتھ چلانے کی اہل نہیں، پوری قوم کو کیسے متحد کرے گی۔ ن لیگی ارکان صرف وزیراعظم نوازشریف کو دیدار کے لئے اسمبلی میں آتے ہیں۔ انکا کہنا تھا کہ قومی اسمبلی کی کارروائی میں حکومتی ارکان کی عدم دلچسپی کی روایت برقرار ہے ۔ نہ ان سے اپنے ناراض ارکان سنبھالے جارہے ہیں۔ جو حکومت اپنے ارکان کو متحد نہیں رکھ سکتی ملک کو کیسے چلائے گی۔
