مقبوضہ کشمیر میں 35ویں روز بھی کرفیو نافذہے۔ وادی میں کشیدگی برقرار ہے اور حریت رہنماؤں نے ہڑتال کی کال 18 اگست تک بڑھا دی۔ آج نماز جمعہ کے بعد احتجاجی ریلیاں نکالنے کا اعلان بھی کیا ہے۔
مقبوضہ وادی کشمیر میں بھارتی مظالم کا سلسلہ جاری ہے۔ بھارتی فوج کی طرف سے آج نماز جمعہ کے بعد ہونے والے ممکنہ احتجاج کو روکنے کے لیے کرفیو کی پابندی میں سختی کا اعلان کیا گیا ہے۔ جبکہ ہندواڑہ، کپواڑہ، تھرگام، سو پور سمیت 10 اضلاع میں ایک بار پھر کرفیو نافذ کردیا۔
وادی میں 8 جولائی سے بند ہونے والی انٹرنیٹ اور ٹیلی فون سروس بھی مکمل طور بحال نہیں ہوسکی۔ کرفیو کی وجہ سے شہریوں کو ادویات اور خوراک کی شدید کمی کا سامنا ہے۔