آسٹریلوی محکمہ داخلہ کی ایک خفیہ رپورٹ دی گارڈین اخبار نے شائع کی ہے۔ اس خفیہ رپورٹ میں انکشاف کیا گیا ہے کہ تارکین وطن کی ’’نارو‘‘ میں قائم جیل میں جنسی زیادتی کے کئی واقعات رونما ہو چکے ہیں۔
رپورٹ کے مطابق تارکین وطن کی خواتین اور بچوں کو 2000 سے زائد واقعات میں جنسی تشدد کا سامنا کرنا پڑا ہے۔
آسٹریلیا کی اس جیل میں ان تارکین وطن کو رکھا جاتا ہے جو غیرقانونی طور پر کشتیوں پر سوار ہو کر ملک میں داخل ہونے کی کوشش کرتے ہیں۔
رپورٹ کے مطابق یہ واقعات 2013سے 2015کے دوران ہوئے اور حکومت نے اب تک اس حوالے سے کوئی اقدام نہیں کیا۔
رپورٹ میں یہ بھی کہا گیا ہے کہ اس بات کا خدشہ موجود ہے کہ تارکین وطن شاید غلط الزامات لگا کر بھی ملک میں گھنسے کی کوشش کر رہے ہوں۔
ان جیلوں میں عام طور پر پاکستانی، افغان، شامی اور دوسرے جنگ زدہ علاقوں کے تارکین وطن موجود ہیں۔
