الیکشن کمیشن آف پاکستان نے وزیراعظم نواز شریف کے داماد کیپٹن صفدر سے اثاثوں کی تفصیلات پر تحریری جواب طلب کرلیا ہے۔
کیپٹن صفدر کے خلاف اثاثے چھپانے کے مقدمے کی سماعت چیف الیکشن کمشنر کی سربراہی میں تین رکنی بینچ نے کی۔
درخواست گزار صاحبزادہ صلاح الدین کے وکیل فیصل چودھری نے کہا کہ ان کے پاس کیپٹن صفدر کے خلاف ٹھوس شواہد ہیں کہ انہوں نے اثاثوں کی تفصیلات میں غلط بیانی سے کام لیا ہے۔
کیپٹن صفدر کے وکیل نے موقف اختیار کیا کہ الیکشن کمیشن کو اختیار نہیں ہے وہ اس درخواست کو مسترد کردیں۔ جس پر چیف الیکشن کمشنر نے کہا کہ آپ اپنا کام کریں ہمیں نہ بتائیں کے ہمارے اختیار میں کیا ہے اور کیا نہیں۔
عدالت نے 17 اگست کو اثاثوں کی تفصیلات پر تحریری جواب طلب کیا ہے۔
