وزیراعلیٰ سندھ نے کراچی کی صفائی کے لیے ڈسٹرکٹ میونسپل کارپوریشنز کو 48 گھنٹے کا الٹی میٹم دیا ہے۔ مراد علی شاہ نے کہا ہے کہ کچرا نہ اٹھایا گیا تو متعلقہ افسر گھر جائے گا۔
وزیراعلیٰ سندھ کی زیر صدارت اجلاس میں کراچی میں صفائی کی صورتحال کا جائزہ لیا گیا۔
مراد علی شاہ نے اجلاس سے خطاب میں کہا کہ کراچی میں کچرے کے حوالے سے بہت شکایات ہیں۔ کسی کو میدانوں میں کچرا پھینکنے کی اجازت نہیں دی جائے گی۔ انہوں نے انتظامیہ کو کچرا ٹھکانے لگانے جگہ کا تعین کرنے کی ہدایت کی۔
وزیراعلیٰ سندھ نے وارننگ دی کہ ملیر ندی اور قیوم آباد کے گراؤنڈز میں کچرا پھینکا گیا تو پولیس ذمہ دار ہوگی۔
مراد علی شاہ نے ریڈ زون کو ہنگامی بنیادوں پر صاف کرنے کی ہدایت بھی دی۔
