قندھار کے پولیس چیف عبدالرزاق نے شہر میں پاکستانی کرنسی کے استعمال پر پابندی عائد کر دی۔ ان کا کہنا ہے کہ فی الحال صرف حکم جاری کیا گیا ہے اور ابھی سزا تجویز نہیں کی گئی۔
قندھار کے پولیس چیف کا افغانستان کی طاقتور ترین شخصیات میں شمار ہوتا ہے۔ ان کا کہنا ہے کہ وہ کسی کرنسی کے خلاف نہیں لیکن ایرانی اور پاکستانی کرنسی کو ’’افغانی‘‘تباہ کرنے کی اجازت نہیں دی جا سکتی۔
پابندی کے بعد افغانی کرنسی کی قیمت میں بہتری آئی ہے اور اب 1000روپے 622افغانی کے برابر ہیں۔ افغانی کرنسی ڈالر اور یورو کے مقابلے میں بھی بہتر ہوئی ہے۔
افغان تاجروں نے بھی ملک بھر میں اس فیصلے پر عمل درآمد کا اعلان کیا ہے۔ ان کا کہنا ہے کہ اس فیصلے سے پاکستان کی افغان منڈی پر سبقت کو کم کرنے میں مدد ملے گی۔
