لاہور کے علاقے رائیونڈ سٹی پولیس نے سرکاری زمین پر قبضہ کرنے کی کوشش اور پھر اسلحہ کے زور پر لوگوں کو ڈرانے کے الزام میں بحریہ ٹاؤن کے 3افسروں کے خلاف مقدمہ درج کر لیا۔
رپورٹس کے مطابق پنجاب حکومت کی جانب سے رنگ روڈ سدرن لوپ کی تعمیر کے لئے زمین قانون کے مطابق حاصل کی گئی تھی لیکن پھر بھی بحریہ ٹاؤن انتظامیہ نے تعمیر کے دوران خلل ڈالا۔
مقدمے میں ریٹائرڈ کرنل سہیل، ریٹائرڈ میجر وقار اور ریٹائرڈ ڈ ایس پی حق نواز شامل ہیں۔
لڑائی اس وقت شروع ہوئی جب پنجاب حکومت کی جانب سے گرائی گئی بحریہ کی دیوار کو انتظامیہ نے اسلحے کے زور پر دوبارہ تعمیر کرنے کی کوشش کی، جس پر پولیس آئی اور تینوں افسروں کو گرفتار کر لیا۔
