ریو ڈی جنیرو میں جاری اولمپکس میں امریکی نشانہ باز ورجنیا تھریشر نے ویمن 10 میٹر ائیر رائفل مقابلے میں پہلی پوزیشن لی۔
10میٹر شوٹنگ رینج کے کوالیفائنگ راؤنڈ میں پاکستانی نشانہ باز مناہل سہیل 28 ویں پوزیشن پر رہیں۔
مناہل سہیل کوالیفائنگ راؤنڈ میں ہی ہار کر ایونٹ سے باہر ہو گئیں جس کے بعد پاکستان کے 6ایتھلیٹ اولمپکس میں باقی رہ گئے ہیں۔
اولمپکس میں سب سے چھوٹا 7 رکنی دستہ پاکستان کا ہے گیمز میں 455اتھلیٹس پر مشتمل سب سے بڑا دستہ امریکہ کا ہے۔
ویمن رگبی کے افتتاحی میچ میں فرانس کی ٹیم نے اسپینش خواتین کو شکست دے دی میچ کو دیکھنے کے لیے اسٹیڈیم میں 15 ہزار سے زائد شائقین نے شرکت کی۔
برطانیہ کے ایڈم پیٹی سوئمنگ کے 100 میٹر بیک اسٹروک ایونٹ میں شاندار پرفارمنس دکھا کر نہ صرف اولمپک گولڈ میڈل جیتا بلکہ وہ اولمپکس میں طلائی تمغہ جیتنے والے پہلے برطانوی سوئمر بھی بن گئے۔
ورلڈ چیمپئن ایڈم نے فاصلہ 57.55سیکنڈ میں طے کر کے اولمپکس کا پرانا ریکارڈ توڑ ڈالا۔
ادھر بیلجئم کے گریگ وین نے اولمپکس مینز روڈ ریس میں زبردست سائیکلنگ کرتے ہوئے گولڈ میڈل جیت لیا۔
گریگ نے سنسنی خیز مقابلے میں اٹلی کے وین سینو کو شکست دیکر ٹائٹل اپنے نام کیا۔