لاہور کے نواحی گاؤں ماناوال میں ملزم عمران نے محمد امانت اور اسکے بیٹے عدنان امانت اور رضوان امانت کو ای ایم ای سوسائٹی کے باہر فائرنگ کرکے موت کے گھاٹ اتاردیا ۔ تینوں باپ بیٹا اپنے عزیزاحسان کے مقدمہ کی سماعت کیلئے عدالت جاتے ہوئے فائرنگ کا نشانہ بنے۔
دو سال قبل رضوان اور عدنان کے بھائی احسان نے ملزم عمران کے بھائی سعید کو قتل کیا تھا ۔عمران نے اپنے بھائی کے قتل کا بدلہ لینے کیلئے تین افراد قتل کر دئیے۔ مقتولین کے گھر والوں کا کہنا ہے کہ سارا تنازع ایزی لوڈ کے چند سو روپے کے معمولی واقعہ سے شروع ہوا جس کی وجہ سے دو گھروں سے چار جنازے اٹھ گئے۔
پولیس کا کہنا ہے ملزم عمران نے قتل کر کے تھانہ چوہنگ میں پیش ہو کر اقبال جرم کر لیا ہے۔
