افغان میڈیا نے دعویٰ کیا ہے کہ آرمی چیف جنرل راحیل شریف کا داماد بھی افغانستان میں ہنگامی لینڈنگ کرنے والے طیارے میں سوار تھا اوراب کے طالبان کے قبضے میں ہے۔
افغان میڈیا کے مطابق پنجاب حکومت کے ہیلی کاپٹر نے افغان صوبے لوگر کے ضلع عزرا میں ہنگامی لینڈنگ کی جس کے بعد وہاں موجود طالبان نے عملے اور مسافروں کو یرغمال بنا لیا۔
عزرا کے ضلع کونسل کے رکن عبدالولی خان نے مقامی خبرایجنسی کو بتایا کہ طالبان نے یرغمالیوں کی حفاظت کی یقین دہانی کرائی ہے۔
عبدالولی خان کے مطابق جنرل راحیل شریف کا داما میجر سردار بھی یرغمالیوں میں شامل ہے۔ انہوں نے بتایا کہ ہیلی کاپٹر کو گرایا نہیں گیا بلکہ وہ فنی خرابی کے باعث ہنگامی لینڈنگ پر مجبور ہوا۔
یرغمالیوں سے لاکھوں ڈالر، اسلحہ، سیٹلائیٹ ٹیلی فونز اور جی پی ایس ڈیوائس بھی ملی ہیں۔
