لاہور میں رنگ روڈ اتھارٹی نے منصوبے کے راستے میں آنے والے بحریہ ٹاؤن کے حصے کو گرانا کا عمل شروع ہوا تو متاثرین نے انتظامیہ کے خلاف احتجاجی تحریک شروع کی۔
رنگ روڈ کی زد میں بحریہ ٹاؤن کے ڈیڑھ ہزار سے زائد گھر اور کروڑوں روپے کے پلازے آ رہے ہیں۔ کروڑوں روپے کی زمین پر پوری زندگی کی جمع پونجی لگا کر گھر بنانے اور کاروبار چلانے والے افراد نے احتجاج شروع کیا۔
بحریہ ٹاؤن انتظامیہ کی جانب سے رقم کی ادائیگی نہ ہونے پر آ متاثرین نے آج پنجاب اسمبلی کے رخ کرنے کا فیصلہ کیا تھا۔
تاہم طاہر القادری کی تحریک قصاص کے باعث متاثرین نے آج اپنے احتجاج کا مقام تبدیل کر لیا۔انہوں نے ملک ریاض کے گھر کے سامنے بحریہ ٹاؤن کی مرکزی شاہراہ کو بند کر دیا۔
مظاہرین نے اس بار بھی کئی گھنٹوں تک سڑک کو بند رکھا۔ مظاہرین میں سے کئی نے خود سوزی کی دھمکی بھی دی ہے۔
