اولمپکس کے 31 ویں ایڈیشن کا باقاعدہ آغاز ہو گیا ہے۔ برازیل کے شہر ریومیں افتتاحی تقریب منعقد کی گئی جس میں آتش بازی کا بہترین مظاہر ہ کیا گیا۔
رنگا رنگ تقریب میں برازیل کی صدر دلما روزف اور اقوام متحدہ کے سیکرٹری جنرل بان کی مون بھی موجود تھے۔
دنیا کے 206 ممالک کے ایتھلیٹس گیمزمیں11 ہزار178 ایتھلیٹس میڈلزکی جنگ لڑیں گےجبکہ 5لاکھ سیاح اولمپکس دیکھنے کے لیے ریو میں موجو دیں۔
اولمپکس کے بڑے مقابلوں میں پاکستان کا 17رکنی دستہ بھی شامل ہے۔افتتاحی تقریب میں پاکستانی دستے کی قیادت شوٹر غلام مصطفی نے کی دستے نے قومی پرچم کے ساتھ مارچ پاسٹ کیا۔
دستے میں دو ایتھلیٹ، دو تیراک ، دو نشانہ باز اور ایک جوڈو کا کھلاڑی شامل ہےجبکہ پاکستان کی ہاکی ٹیم پہلی بار اولمپکس کے لیے کوالیفائی نہیں کر سکی ۔۔
برازیل کے 33 مقامات پر مقابلے ہوں گے۔ 42مقابلوں کی کھیلوں میں 306 ایونٹس ہوں گے۔ ریو اولمپکس مقابلوں کے مقامات کی سکیورٹی کے لیے دنیا کے 55 ممالک سے 85,000 سکیورٹی اہلکاروں کو تعینات کیا گیا ہےجبکہ 200کلومیٹر طویل آہنی باڑ بھی لگا ئی گئی ہے۔
