کراچی کی انسداد دہشت گردی عدالت نے وسیم اختر کے وکیل خواجہ نوید کی جانب سے دائر درخواست کی سماعت کی۔
درخواست میں مؤقف اختیار کیا گیا تھا کہ وسیم اختر کو میئر شپ کے کاغذات نامزدگی جمع کرانے کے لئے جیل سے ریٹرننگ افسر کے سامنے پیش کرنے کی اجازت دی جائے۔
عدالت نے درخواست مسترد کرتے ہوئے کہا کہ وسیم اختر کی جیل سے ریٹرننگ افسر کے سامنے پیشی کا فیصلہ الیکشن کمیشن کرے گا۔
وسیم اختر کو طلب کرنے کا اختیار ریٹرننگ افسر کے پاس ہے۔
وسیم اختر کے وکیل خواجہ نوید کا کہنا ہے کہ عدالتی حکم کی کاپی حاصل کرنے کے بعد الیکشن کمیشن سے رجوع کریں گے۔
