مقبوضہ وادی بھر میں ہڑتال اور احتجاج ، تازہ مظاہروں میں بھارتی افواج کے تشدد سے 100سے زائد مظاہرین زخمی ہو گئے ۔
مسلسل کرفیو کی وجہ سے خوراک کی اشیا اور ادویات کی قلت پیدا ہو گئی ۔
مقبوضہ کشمیر میں 28ویں روز بھی بھارتی ریاستی دہشت گردی جاری ہے ۔
وادی میں بھارتی مظالم کے خلاف ہڑتال اور عوامی مظاہرے جاری ہیں ۔
غاصب افواج کشمیریوں کی آواز کچلنے کے لیے طاقت کا استعمال کر رہی ہے ۔
مقبوضہ کشمیرمیں موبائل اور انٹرنیٹ سروس معطل ہے جبکہ مسلسل 28 ویں روز سے جاری سخت کرفیو کی وجہ سے خوراک کی اشیا اور ادویات کی قلت پیدا ہو گئی ہے ۔
برہان وانی کی شہادت کے بعد اب تک بھارتی ریاستی مظالم سے 64 بے گناہ کشمیری شہید ، 6 ہزار زخمی ہو چکے ہیں ۔
