آرمی چیف جنرل راحیل شریف نے افغانستان میں اتحادی افواج کے ڈپٹی چیف جنرل نکولسن کو ٹیلی فون کیا اور پنجاب حکومت کے ہیلی کاپٹر کے عملے کی تلاش میں مدد کی درخواست کی۔
ڈپٹی چیف جنرل نکولسن نے جنرل راحیل شریف کو ہر ممکن تعاون کا یقین دلایا۔
آئی ایس پی آر کے ترجمان لیفٹیننٹ جنرل عاصم سلیم باجوہ کے مطابق پنجاب حکومت کا ہیلی کاپٹر مرمت کے لئے ازبکستان کے راستے روس جا رہا تھا کہ افغان صوبے لوگر میں کریش لینڈنگ کرنا پڑی۔
آئی ایس پی آر کے مطابق افغان حکومت اور فوجی حکام سے بھی عملے کی بحفاظت بازیابی کے لئے رابطے کئے گئے ہیں۔
