بھارتی وزیر داخلہ راج ناتھ سنگھ سارک کانفرنس میں شرکت کے بعد بھارت واپس روانہ ہوگئے۔
بھارتی میڈیا کے مطابق راج ناتھ نے سارک وزرائے داخلہ کے اجلاس میں کہا کہ دہشت گردی کی صرف مذمت کافی نہیں ہے۔
دہشت گردوں کو شہید قرار نہیں دینا چاہیے، دہشت گردی صرف دہشت گردی ہے اس میں اچھائی یا برائی کچھ نہیں ہے۔
انہوں نے کہا کہ ناصرف دہشت گردوں بلکہ ان کی مدد کرنے والی تنظیموں، افراد اور ممالک کے خلاف بھی سخت ایکشن ہونا چاہیے۔
انہوں نے زور دیا کہ سارک ممالک کے درمیان جرائم کے معاملات میں تعاون کے سمجھوتے جلد کئے جائیں۔ ڈیجیٹل ٹیکنالوجی کے غلط استعمال کو بھی ہر نظر سے دیکھا جانا چاہیے۔
