حج آپریشن شروع ہوگیا ہے اور پہلی پرواز تین سو اٹھائیس عازمین کو لے کر اسلام آباد سے حجاز مقدس روانہ ہوگئی۔
لاہوراور کراچی سے بھی حج پروازوں کا سلسلہ شرو ع ہوگیا ہے۔
تمام اہم شہروں کے ائیرپورٹس پر سول ایوی ایشن اتھارٹی نے خصوصی انتظامات کیے ہیں۔
عازمین کے عزیزو اقارب کی بڑی تعداد نے ایئرپورٹس پر اپنے پیاروں کو الوداع کیا۔ وفاقی وزیر مذہبی امور سردار محمد یوسف نے اسلام آباد سے عازمین حج کو رخصت کیا۔
اس سے پہلے تقریب سے خطاب میں وفاقی وزیر مذہبی امور نے کہا کہ حکومت استطاعت سے بڑھ کرعازمین کو سہولیات فراہم کر رہی ہے۔
کراچی سے بھی نجی ایئرلائن کی پرواز تین سو بیس عازمین کو لے کر حجاس مقدس کیلئےروانہ ہوئی، لاہور سے دوسو بیس عازمین حج روانہ ہوئے۔
اس سال ایک لاکھ سے زائد عازمین حج کو حجاز مقدس پہنچایا جائے گا۔