مالا کنڈ کا پٹھان سہیل خان ایجبسٹن میں چھا گیا۔ دائیں ہاتھ کے فاسٹ بولر نے تیسرے ٹیسٹ میں انگلش بیٹنگ لائن کی کمر توڑ کر رکھ دی۔
وہاب ریاض کی جگہ ایجبسٹن ٹیسٹ میں سہیل خان کو کھلانے کا فیصلہ درست ثابت ہوا۔ پانچ سال بعد ٹیسٹ کرکٹ میں کم بیک کرنے والے سہیل خان نے اپنے کیرئیر کے دوسرے ٹیسٹ میچ میں شاندار بولنگ کی۔
سب سے پہلے انہوں نے ایلکس ہیلز کو آؤٹ سوینگر سے پویلین بھیجا۔
پھر اولڈ ٹریفورڈ ٹیسٹ کے ڈبل سنچری میکر جو روٹ ان کی شاندار سیم باؤلنگ کا شکار بنے۔
پھر باری آئی جیمز ونس کی جو سہیل خان کی باہر جاتی گیند کو چھیڑ بیٹھے اوروکٹ گنوا دی۔
اس کے بعد سہیل خان نے وکٹ کیپر بیرسٹو کو سرفراز احمد کے ہاتھوں کیچ آؤٹ کرا کے اپنی چوتھی وکٹ بنا لی۔
سہیل خان کا پانچواں شکار جیمز اینڈرسن بنے جسے انہوں نے ایل بی ڈبلیو آؤٹ کیا۔
سہیل خان نے آخری بار 2011 میں زمبابوے کے خلاف ٹیسٹ میچ کھیلا تھا جس میں وہ صرف ایک وکٹ حاصل کر سکے تھے۔
