سرچ انجن گوگل کے سی ای او سندر پچائی کے کورا اکاؤنٹ کو گزشتہ شب ہیک کرلیا گیا اس طرح وہ ان مشہور شخصیات کا حصہ بن گئے جن کے سوشل میڈیا اکاؤنٹس کو ایک گروپ اورمائن ہیک کررہا ہے۔
ایک مہینے کے دوران یہ گروپ فیس بک کے بانی مارک زکربرگ سمیت دیگر افراد کے اکانٹس ہیک کرچکا ہے۔غیر ملکی میڈیا کے مطابق سندر پچائی کے اکانٹ کا ہیک ہونا اس وقت منظرعام پر آیا جب کورا اکانٹ پر کی جانے والی پوسٹس گوگل کے سی ای او کے ٹوئٹر اکانٹ پر بھی پوسٹ ہوئیں جس کی وجہ دونوں اکاؤنٹس کا لنک ہونا تھا۔
تاہم ہیکرز کو سندر پچائی کے ٹوئٹر اکائونٹ تک پوری رسائی حاصل نہیں ہوسکی اور وہ ہیک ہونے سے بچ گیا تاہم وہ اپنا پیغام لاکھوں افراد تک پہنچانے میں ضرور کامیاب ہوگئے۔