یمن سرکاری فوج نے آپریشن کے دوران یمن سے سعودی عرب منشیات کی اسمگلنگ کی سازش ناکام بناتے ہوئے دعویٰ کیا ہے کہ حوثی باغی منشیات کی اسمگلنگ میں ملوث ہیں جبکہ اس دوران جھڑپوں میں چارحوثی باغی ہلاک اورایک کو حراست میں لے لیاگیا،ایک علیحدہ آپریشن میں بھی 41حوثی جنگجوجھڑپوں میں مارے گئے جبکہ جنگجوئوں نے حملے کرکے 13فوجی بھی موت کے گھاٹ اتاردیئے۔ فوج نے منشیات کی تمام مقدار وہاں سے نکالی اور اسے نذر آتش کردیا۔یمنی فوج کا کہنا تھا کہ یہاں پر بھنگ حوثی باغیوں کی جانب سے چھپائی گئی تھی جس کا مقصد اسے سعودی عرب منتقل کرنا تھا۔ فوجی ذرائع کا کہنا تھا کہ آپریشن میں اسمگلنگ میں ملوث مافیا کے چار عناصر ہلاک اور ایک کو حراست میں لیا گیا ہے۔