لاہور کی کینٹ کچہری میں نکاح پر نکاح کے کیس میں اداکارہ میرا کی درخواست پر فیصلہ مؤخر کردیا گیا۔
اداکارہ نے کاروائی کالعدم قرار دینے کی اپیل کی تھی۔
میرا کا موقف ہے کہ فیملی کورٹ میں عتیق الرحمان کیخلاف تکذیب نکاح کا دعویٰ زیرسماعت ہے۔
جب تک فیملی کیس زیرسماعت، فوجداری کیس نہیں چلایا جا سکتا، لہذا عتیق الرحمان کی جانب سے نکاح پر نکاح کے دعوی کی کاروائی کالعدم قرار دی جائے۔
عدالت نے کیس کا فیصلہ 20 جولائی تک مؤخر کرتے ہوئے سماعت ملتوی کردی۔