عراق کے وزیراعظم حیدر العابدی نے ملک کے عوام کے نام پیغام میں کہا ہے کہ وہ خود کو دولتِ اسلامیہ کہلانے والی تنظیم کے قبضے سے فلوجہ شہر کی واپسی آزادی پر جشن منائیں۔
عراقی فوج کی فلوجہ شہر کا قبضہ دوبارہ حاصل کرنے کےاعلان کے بعد وزیراعظم حیدر العابدی نے کہا ہے کہ عوام دولتِ اسلامیہ کے قبضے سے شہر کی آزادی پر جشن منائیں۔
انھوں نے بتایا کہ آج ہمارے فوجی دستوں نے فلوجہ کو آزاد کروا لیا ہے اور موصل میں بھی اس وقت لڑائی جاری ہے۔
وزیراعظم حیدر العابدی نے مزید کہا کہ ’عراق میں دولتِ اسلامیہ کے لیے کوئی جگہ نہیں ہے۔ وہ جہاں بھی جائے گی ہم اس کا پیچھا کریں گے،
عراقی فوج کا کہنا ہے کہ اس نے فلوجہ شہر میں نام نہاد دولتِ اسلامیہ کے زیرِ قبضہ ان کے آخری گڑھ پر بھی قبضہ حاصل کر لیا ہے۔
اور فوجیں دولتِ اسلامیہ کے زیرِ قبضہ آخری علاقے شمال مغربی گولان میں داخل ہو گئی ہے۔
دولتِ اسلامیہ نے فلوجہ شہر پر جنوری 2014 میں قبضہ کر لیا تھا۔
وزیرِ اعظم نے شہر کا قبضہ دوبارہ حاصل کرنے کے لیے مئی میں آپریشن کا آغاز کیا تھا۔
فلوجہ مغربی صوبے انبار کا ایک بڑا شہر ہے یہ عراقی کا وہ پہلا شہر ہے جو دولتِ اسلامیہ کے قبضے میں آیا تھا۔
شدت پسند تنظیم نے اس کے بعد شام اور عراق کے کافی بڑے حصے پر قبضہ کر لیا تھا۔
حالیہ دنوں میں دولتِ اسلامیہ دونوں ممالک میں پسپا ہوئی ہے