خواتین کو پرکشش آنے کی خواہش تو صدیوں پرانی ہے لیکن اب سائنس نے ہارمونز پر تحقیق سے یہ معلوم کرلیا ہے کہ مردوں کو خواتین کی کون سے چیزیں اپنی طرف کھینچتی ہیں، اور ان میں سے کئی ایسی ہیں جو آپ کو حیران کر دیں گی۔
ہمیشہ سے آنکھوں کو خوبصورتی کا مرکز سمجھا جاتا تھا لیکن سائنس اس کو اہمیت نہیں دیتی بلکہ مردوں کو صحت اور فٹنس زیادہ پسند آتی ہے۔
شکاگو کی ڈی پال یونیورسٹی کے پروفیسر ڈاکٹر ولسن کے مطابق مرد لاشعوری طور پر خاتون کو اپنے ساتھی کے طور پر دیکھتے ہیں اور ان کی پسندیدگی کا انحصار بھی اسی پر ہوتا ہے۔
تحقیق میں سامنے آنے والی کچھ حیران کن چیزوں میں خواتین کی آواز کی ہائی پچ مردوں کو متاثر کرنے میں اہم کردار ادا کرتی ہے۔
اس کے بعد خواتین کی مسکراہٹ مردوں کے لئے سب سے پرکشش ہوتی ہے اور اس میں صاف اور سفید دانتوں کی بہت اہمیت ہے۔
کئی خواتین پرکشش نظر آنے کے لئے بہت زیادہ میک اپ کرتی ہیں لیکن مردوں کو کم میک اپ والی خواتین میں زیادہ کشش محسوس ہوتی ہے۔
صحت مند، مضبوط، گھنے اور لمبے بال بھی خواتین کی پرکشش شخصیت کا خاصا ہیں۔
اور آخر میں سرخ لباس، سائنسدانوں کا کہنا ہے کہ سرخ رنگ کا لباس پہنے خواتین مردوں کے دل میں جلد گھر کر جاتی ہیں۔
