لندن میں وزیراعظم نواز شریف اور پاکستان کرکٹ بورڈ کے چیئرمین شہریار خان کی ملاقات ہوئی ہے۔ جس میں وزیراعظم نے انھیں ذمہ داریاں جاری رکھنے کا کہا ہے۔
شہریار خان آئی سی سی کے سالانہ اجلاس میں شرکت کے لئے برطانیہ پہنچے ہیں جہاں انہوں نے نواز شریف کی عیادت کی ۔
شہریار خان اور نجم سیٹھی کے درمیان مبینہ اختلافات کی خبروں کی وجہ سے گذشتہ کئی ہفتوں سے شہریار خان کے عہدہ چھوڑنے
کی خبریں تھیں
اب وزیراعظم کی جانب سے شہریار خان کو اپنی ذمہ داریاں جاری رکھنے کی ہدایت کو ان کے مخالف گروپ کے لیے ایک واضح پیغام تصور کیا جا رہا ہے۔
شہریار خان 2014 میں تین سال کے لیے پاکستان کرکٹ بورڈ کے چیئرمین منتخب ہوئے تھے۔ ان کے عہدے کی مدت میں ابھی ایک سال باقی ہے۔
