لندن کی ٹین ڈاؤننگ اسٹریٹ میں میڈیا سے بات کرتے ہوئے برطانوی وزیراعظم ڈیوڈ کیمرون کا کہنا تھا کہ ریفرنڈم کا انعقاد پارلیمانی جمہوریت کا حصہ ہے ۔ عوامی فیصلہ انتہائی اہمیت کا حامل ہے تاہم یورپی باشندے برطانیہ میں رہ سکیں گے ۔ ڈیوڈ کیمرون کا کہنا تھا کہ علیحدگی کے فیصلے کے باوجودمعروضی حالات میں تبدیلی نہیں ہو گی
برطانوی وزیراعظم نے کہا عوام نے ان کی رائے کے خلاف فیصلہ دیا اس لیے وہ وزارت عظمیٰ کی نشست سے استعفیٰ دیتے ہیں او ر آئندہ ہفتوں اور مہینوں میں ملک کے لیے جو ہوسکا،بطور وزیراعظم کروں گا۔
برطانیہ میں نیا وزیراعظم اکتوبر میں اقتدار سنبھالے گا۔ نئے وزیراعظم کیلئے بورس جونسن کا نام سامنے آ رہا ہے ۔ انہوں نے موجودہ ریفرنڈم میں یورپی یونین سے علیحدگی کیلئے آواز اٹھائی تھی
