ہاتھوں کو اچھی طرح دھونا جراثیم کے خلاف پہلا دفاع ہے لیکن کیا آپ اپنے ناختوں کو بھی دھوتی ہیں؟ اگر نہیں تو اب دھونا شروع کر دیں۔
سائنسدانوں کے مطابق اچھی طرح ہاتھ دھونے کے بعد بھی جراثیم کا مکمل خاتمہ نہیں ہوتا کیونکہ وہ ناخنوں کے اندر چھپے ہوتے ہیں۔
سائنسدانوں کی تحقیق میں یہ بات ثابت ہوئی کہ متواتر ہاتھ دھونے کے باوجود بھی ہر ٹیسٹ میں بیکٹیریا کی نشاندہی ہوئی، یہی وجہ ہے کہ ڈاکٹر مریضوں کو چیک کرتے وقت اب دستانے پہنتے ہیں۔
تحقیقات میں یہ چیز بھی سامنے آئی کہ اگر انگلیوں کی پوروں کو ڈھانپ لیا جائے تو ہاتھ جلدی جراثیم سے پاک ہوجاتے ہیں۔ نازک سے نظر آنے والے یہ ناخن کیرٹائن کی شیلڈ ہیں، کیراٹائن ہی وہ عنصر ہے جس سے گینڈے کے سینگ بنے ہوتے ہیں۔
یونیورسٹی آف پنسلوینیا کی تحقیق کے مطابق ناخنوں کے نیچے موجود جگہ جراثیم کی افزائش کے مرکز کے طور پر استعمال ہوتی ہے۔
اسی تحقیق میں یہ بات بھی سامنے آئی کہ قدرتی ناخنوں سے زیادہ مصنوعی ناخن جراثیم کی افزائش اور پھیلاؤ کا سبب بنتے ہیں۔
اسی طرح ہر وقت نیل پالش لگائے رکھنے والی خواتین کے ناخنوں میں بھی زیادہ جراثیم پائے گئے جو کہ متواتر ہاتھ دھونے کے بعد بھی ختم نہیں ہوئے۔
کئی سال کی تحقییق کے بعد سائنسدان اس نتیجے پر پہنچے ہیں کہ ناخنوں کو چھوٹا اور صاف رکھنا ہی صحت مند رہنے کا اکلوتا نسخہ ہے۔