سابق سفیر پاکستان مخالف لابی کر رہا ہے

قومی اسمبلی میں وزیر اعظم کے مشیر برائے خارجہ امور سرتاج عزیز نے نام لئے بغیر کہا ہے کہ امریکہ میں پاکستان کے ایک سابق سفارتکار کی وجہ سے دنیا میں پاکستان کو لابی کرنے میں دشواریاں پیش آرہی ہیں۔لیکن اس کے باوجود ملکی خارجہ پالیسی کی وجہ سے پاکستان کا بین الاقوامی امور پر موقف دنیا بھر میں تسلیم کیا جارہا ہے۔

اُنھوں نے سابق کہا کہ وہ پاکستان مخالف لابی کے ساتھ مل کر ملک دشمنوں کے ہاتھ مضبوط کرر ہے ہیں۔

پاکستان پیپلز پارٹی کے دور میں سابق سفیر حسین حقانی پر الزام عائد کیا جاتا رہا ہے کہ وہ پاکستان مخالف لابی کے لئے کام کرر ہے ہیں۔

حسین حقانی میاں نواز شریف کے گذشتہ دور حکومت میں سیکریٹری اطلاعات بھی رہے ہیں۔

قومی اسمبلی کے اجلاس میں ملکی خارجہ پالیسی کو شدید تنقید کا نشانہ بنایا گیا۔

پاکستان پیپلز پارٹی کے سید نوید قمر کا کہنا تھا کہ حکومت کی غیر سنجیدہ خارجہ پالیسیوں کی وجہ سے امریکہ نے ایف سولہ طیاروں کی خریداری کی ڈیل منسوخ کی ہے۔

اور بھارت  کی افغانستان میں پاکستان مخالف سرگرمیوں کے سدباب کے لیے کچھ نہیں کیا گیا۔

پاکستان تحریک انصاف کی رکن قومی اسمبلی ڈاکٹر شیریں مزاری کا کہنا تھا کہ حکومت کے پاس دو تہائی کی اکثریت ہونے کے باوجود ملک میں وزیر خارجہ نہیں ہے۔ اُنھوں نے کہا کہ ڈرون حملوں سے متعلق حکومت کی پالیسی واضح نہیں ہے۔

 

x

Check Also

حکومت نے رواں برس کے لیے زکوٰۃ کا نصاب مقرر کردیا

رواں سال کے لیے زکوٰۃ کا نصاب 44 ہزار 415 روپے مقرر کیا گیا ہے، ...

ملالہ ارب پتی بن گئیں

    برطانوی  میڈیا رپورٹس کے مطابق نوبل انعام یافتہ ملالہ یوسف زئی ارب پتی ...

سوشلستانی ہوشیار،امریکی ویزےکے لیے سوشل میڈیا  کی پروفائل بھی بتانا ہوگی

امریکا جانے والے خواہشمندوں کو اب  سوشل میڈیا پر  زیادہ محتاط رہنا ہوگا۔ امریکہ میں ...

%d bloggers like this: