یورپی فٹبال ایسوسی ایشن نے یورو 2016 مقابلوں کے دوران ہنگامہ آرائی پر ہنگری، بیلجیئم اور پرتگال سے جواب طلب کرلیا ہے۔
تینوں ممالک کے تماشائیوں کی جانب سے ہنگامہ آرائی پر متعلقہ ملکی فٹبال ایسوسی ایشنز پر الزامات عائد کیے ہیں۔
ہنگری کے حامیوں پر ہجوم میں بےچینی پیدا کرنے، آتش بازی کرنے اور آئس لینڈ کے ساتھ ڈرا ہونے والے میچ کے دوران میدان پر مختلف چیزیں پھینکنے کے الزامات لگائے گئے ہیں۔
بیلجیم پر آئرلینڈ کے خلاف جیتے جانے والے میچ کے دوران اس کے شائقین کی جانب سے آتش بازی اور میدان میں چیزیں پھینکنے کے الزامات لگائے گئے ہیں۔
ہنگری کے معاملے پر سماعت 21 جون کو ہوگی اس کے علاوہ پرتگال کے شائقین پر آسٹریا کے خلاف ڈرا ہونے والے میچ میں میدان میں اتر آنے کا الزام لگایاگیا ہے۔
