ہملٹن میں کھیلے جانے والے ٹیسٹ میچ کے تیسرے روز بابر اعظم کے کریز پرڈٹ گئے۔ بابر اعظم کے 90 رنز بھی مگر پاکستان کو قابل ذکر سکور کرنے میں مدد نہ دے سکے اور پوری ٹیم کیویز کی برتری ختم کئے بغیر 216 رنز پر آئوٹ ہوگئی۔
کیویز نے پہلی اننگز میں 271 رنز سکور کئے تھے۔ جوابی اننگز کے آغاز میں قومی ٹیم کی پرفارمنس انتہائی مایوس کن رہی۔ ٹیم کی پہلی پانچ وکٹس فقط 51 رنز پر گرچکی تھیں۔ کیویز برتری کے خاتمے میں ابھی 55 رنز حائل تھے کہ ٹیم ڈھیر ہوگئی۔
تیسرے روز وقفے وقفے سے بارش کا سلسلہ بھی جاری رہا جس کے باعث کئی مار میچ کو روکنا پڑا۔ پورے دن میں فقط 38 اوورز کھیلے جاسکے۔
کیویز کی جانب سے دوسری اننگز کا آغاز ہوا تاہم صرف ایک ہی گیند کے بعد بارش کے باعث ایک بار پھر میچ روکنا پڑا۔ بعد ازاں تیسرے دن کا کھیل ختم کرنے کا اعلان کردیا گیا۔
پاکستان کی جانب سے بابر اعظم 90 ، سرفراز احمد 41 اور سہیل خان 37 رنز بناکر نمایاں رہے۔نیوزی لینڈ کی جانب سے ٹم ساؤتھی نے 6 کھلاڑیوں اور نیل وینگر نے 3 کھلاڑیوں کو آؤٹ کیا۔
پاکستان کی جانب سے دوسرے ٹیسٹ میچ میں محمد رضوان کو ڈیبیو کرایا گیا ہے جبکہ کیوی فاسٹ باؤلر ٹرینٹ بولٹ انجری کے باعث دوسرے ٹیسٹ کا حصہ نہیں ہیں۔