اداکارہ قسمت بیگ کے قتل کی تحقیقات جاری ہیں۔ لاہور پولیس نے بیانات میں تضاد سامنے آنے پر اداکارہ کے سیکریٹری علی بٹ کو حراست میں لے لیا ہے۔
پولیس نے قسمت بیگ کے سابق شوہر رانا مزمل، اداکارہ ماہ نور اور اس کے دوست کو بھی شامل تفتیش کرلیا ہے۔
لاہور پولیس کے حکام کے مطابق اداکارہ کے سیکریٹری سے پوچھ گچھ کے دوران اس کے بیانات میں تضاد سامنے آیا جس پر علی بٹ کو حراست میں لیا گیا۔
قسمت بیگ کی والدہ کے مطابق علی بٹ مقتولہ کا سیکریٹری ہی نہیں بلکہ پُرانا دوست بھی تھا۔
پولیس نے جلد ملزموں تک پہنچنے کا امکان ظاہر کیا ہے۔ قسمت بیگ کو نامعلوم افراد نے 24 نومبر کو گاڑی روک کر گولیاں ماری تھیں۔ اسے زخمی حالت میں اسپتال لے جایا گیا تھا جہاں وہ دم توڑ گئی۔
