چین میں بجلی گھر کی مچان بیٹھنے سے ملبے تلے درجنوں افراد دب گئے۔ 40 افراد کی ہلاکت کی تصدیق کی گئی ہے۔
یہ حادثہ چینی صوبے جیان زی میں زیر تعمیر بجلی گھر میں پیش آیا۔ کولنگ ٹاور کیلئے مچان کی تعمیر کا سلسلہ جاری تھا کہ وہ اچانک دھماکے سے گر گیا۔
امدادی کارکنوں کا کہنا ہے کہ مچان کے نیچے اب بھی درجنوں مزدور دبے ہوئے ہیں۔ ملبہ کنکریٹ، تختے اور بھاری سریوں پر مشتمل ہے، یہی وجہ ہے کہ امدادی کاموں کو جاری رکھنے اور ملبے کو اٹھانے میں دشواری کا سامنا ہے۔
چینی خبر رساں ایجنسی کے مطابق زیر تعمیر علاقے میں جس وقت حادثہ پیش آیا اس وقت وہاں کم از کم68 افراد موجود تھے۔