بھارت نے جدید نیوکلیئر بیلسٹک میزائل پرتھوی ٹو کے دو کامیاب تجربات کرنے کا دعویٰ کیا ہے۔
بھارتی میڈیا رپورٹس کے مطابق اڑیسہ میں پرتھوی ٹو میزائل کے دو تجربات مختصر وقفے سے کئے گئے۔
پرتھوی ٹو میزائل 500 سے ایک ہزار کلوگرام تک وار ہیڈ کے ساتھ 350 کلومیٹر تک اپنے ہدف کو نشانہ بناسکتا ہے۔
بھارتی میڈیا کے مطابق پرتھوی ٹو میزائل ہدف کو ڈھونڈ کر نشانہ بنانے کے جدید نظام سے لیس ہے۔
بھارت کی جانب سے یہ میزائل تجربہ ایسے وقت میں کیا گیا ہے جب پاکستان کے ساتھ سرحدوں پر کشیدگی عروج پر ہے۔
بھارت نے چند دن قبل ہائی وے کے اوپر جنگی طیاروں کو لینڈ کرنے کی مشقیں بھی کی ہیں۔