صدر بنتے ہی ٹرانس پیسیفک ڈیل ختم کرنے کا اعلان

امریکی نومنتخب صڈر ڈونلڈ ٹرمپ نے اعلان کیا ہے کہ وہ اقتدار سنبھالتے ہی ٹرانس پیسیفک پارٹنر شپ ڈیل ختم کر دیں گے، اس معاہدے نے امریکا کی معیشت تباہ کر دی ہے۔
ایک ویڈیو پیغام میں ڈونلڈ ٹرمپ نے کہا کہ گزشتہ سال طے پانے والے اس معاہدے میں امریکا کا کوئی فائدہ نہیں ہوا، وہ اسے ختم کرنے کے لئے تیار ہیں۔
خیال رہے کہ12ممالک گذشتہ برس طے پانے والے اس عالمی تجارتی معاہدے میں شامل ہیں اور یہ ممالک دنیا کی 40 فیصد تجارت کو کنٹرول کرتے ہیں۔
ڈونلڈ ٹرمپ نے صدارتی انتخاب کی مہم میں یہ وعدہ بھی کیا تھا کہ وہ نوکریوں کی کمی، ویزے کے مسائل اور کوئلے کی پیداوار میں کمی کریں گے۔
صدارتی انتخاب میں ڈونلڈ ٹرمپ کو غیرمعمولی طور پر کامیابی ملنے کے بعد امریکہ بھر میں ان کے خلاف مظاہروں کا آغاز ہو گیا تھا۔
ٹی پی پی میں شامل ممالک میں آسٹریلیا، ملائیشیا، جاپان، نیوزی لینڈ، کینیڈا اور میکسیکو بھی شامل ہیں۔