ایف آئی اے کے ڈائریکٹر شاہد حیات ڈبل نمونیا سے مکمل صحت یاب ہونے کے بعد پاکستان واپس پہنچ گئے ہیں، وہ آج کینیا سے براستہ لندن کراچی پہنچے ہیں۔
ایف آئی اے ڈائریکٹر اور سابق پولیس چیف شاہد حیات کینیا میں تربیتی دورے پر تھے جہاں وہ نیروبی میں ڈبل نمونیا کا شکار ہوئے۔ پھیھڑوں میں شدید انفیکشن کے باعث انہیں آغا خان اسپتال داخل کرایا گیا تھا۔
نیروبی کے آغا خان اسپتال میں ان کی حالت تشویش ناک تھی اور وہ تین دن تک وینٹی لیٹر پر منتقل رہے تاہم بہترین نگہداشت کے باعث وہ مکمل طور پر صحت یاب ہو گئے۔