چیف آف آرمی سٹاف جنرل راحیل شریف کی مدت ملازمت میں توسیع کی خبریں اچانک گرم ہوگئی ہیں۔
سوشل میڈیا پر غیر معروف اکاؤنٹس کے ذریعے جنرل راحیل شریف کو ایکسٹینشن ملنے کے دعوے پھیل رہے ہیں۔
اکتوبر میں بننے والا غیرمعروف ٹویٹر اکاؤنٹ جس نے ڈیڑھ ماہ میں چار سو ٹویٹ بھی نہیں کئے اس پر دعویٰ کیا جا رہا ہے کہ آرمی چیف کو ایک سال کی توسیع دے دی گئی ہے
آرمی چیف آف اسٹاف جنرل راحیل شریف کی مدت ملازمت میں ایک سال کی توسیع کردی گئی#ZarayeNews
— ذرائع نیوز (@ZarayeNews) November 18, 2016
اسی طرح طلحہ حسین نامی ٹویٹر اکاؤنٹ پر دعویٰ کیا گیا ہے کہ وزیراعظم نوازشریف پچیس نومبر آرمی چیف جنرل راحیل شریف کی مدت ملازمت میں دو سال کی توسیع کر دیں گے۔
https://twitter.com/talhasilver/status/799687153416568832
یہاں یہ بات بھی دلچسپ ہے کہ اس ٹویٹر اکاؤنٹ پر اس سےپہلے آخری ٹویٹ 2014ء میں کیا گیا جو کہ عمران خان اور طاہرالقادری کی آرمی چیف سے ملاقات کے بارے میں تھا۔
COAS called IK and TUQ for talks, IK & TUQ both on the way to GHQ
— Talha Hassan (@talhasilver) August 28, 2014
آرمی چیف جنرل راحیل شریف واضح طور پر اعلان کرچکے ہیں کہ وہ ایکسٹنشن پر یقین نہیں رکھتے لیکن نئے آرمی چیف کے اعلان میں مسلسل تاخیر کی وجہ سے ان کی مدت ملازمت میں توسیع کی چہ میگوئیاں دوبارہ شروع ہوگئی ہیں۔
