بھارتی ٹینس اسٹار ثانیہ مرزا کی بہن انعم مرزا کی شادی کی تقریبات شروع ہو گئیں، پاکستانی آل راؤنڈر اور ثانیہ مرزا کے خاوند شعیب ملک بھی حیدر آباد میں موجود ہیں۔
انعم مرزا کی منگنی گزشتہ سال حیدر آباد دکن کی کاروباری شخصیت کے بیٹے اکبر رشید سے ہوئی تھی۔ کل اکبر رشید انہیں بیاہ کر لے جائیں گے۔
گزشتہ روز حیدر آباد میں ہی انعم مرزا کی مہندی کی تقریب ہوئی جس میں بالی ووڈ ستاروں نے بھی بڑی تعداد میں شرکت کی اور رقص بھی کیا۔
اکبر اور انعم کی منگنی گزشتہ سال ہوئی تھی
سنگیت کی رسم میں بالی ووڈ ستاروں سلمان خان، پرینیتی چوپڑا، فرح خان اور ارجن کپور نے شرکت کی۔ سلمان خان نے ثانیہ مرزا کے ساتھ ڈانس بھی کیا۔
شعیب ملک کو آسٹریلیا کے خلاف ون ڈے سیریز میں شامل کئے جانے کا امکان ہے، ون ڈے سیریز جنوری میں شروع ہو گی۔
