افغانستان کے دارالحکومت کابل میں قومی سلامتی کے اہلکاروں کی گاڑی پر حملے میں 4 افراد ہلاک ہوگئے۔
خودکش بمبار موٹر سائیکل پر سوار تھا جس نے قومی سلامتی کے اہلکاروں کو دفتر لے جانے والی گاڑی کو نشانہ بنایا۔
افغان وزارت داخلہ نے حملے کی تصدیق کردی ہے تاہم ہلاک اور زخمی ہونے والوں کی تعداد نہیں بتائی۔
وزارت داخلہ کے ترجمان نجیب دانش نے بتایا کہ موٹر سائیکل سوار خودکش بمبار نے پل محمد خان کے علاقے میں خود کو دھماکے سے اڑایا۔
امریکی ادارے ایسوسی ایٹڈ پریس کے مطابق شدت پسند تنظیم دولت اسلامیہ نے اس حملے کی ذمہ داری قبول کی ہے۔