گلوکار نعمان جاوید اور گلوکارہ فریحہ پرویز میں باہمی رضامندی سے طلاق ہو گئی جس کے بعد فریحہ پرویز نے خلع کا کیس واپس لے لیا۔ طلاق سے قبل ہی نعمان جاوید اداکارہ جاناں ملک سے شادی کر چکے ہیں۔
نعمان اب32سالہ جاناں ملک سے شادی کر چکے ہیں
فریحہ پرویز کے وکیل کی طرف سے عدالت میں درخواست دی گئی کہ فریحہ اور نعمان میں باہمی رضا مندی سے طلاق ہو چکی ہے جس کے بعد عدالت نے خلع کا دعویٰ خارج کر دیا۔
لاہور کی فیملی کورٹ میں فریحہ پرویز نے فیملی سول جج عابد بشیر چودھری کی عدالت میں خلع کی بنیاد پر طلاق کا دعویٰ دائر کیا تھا۔ فریحہ پرویز نے طلاق کے لئے نعمان جاوید کا ذمہ دار ٹھہرایا تھا۔
نعمان نے فریحہ سے شادی کے بعد خود کشی کی کوشش بھی کی
فریحہ کا کہنا تھا کہ نعمان جاوید کا رویہ ان کے ساتھ ٹھیک نہیں اور ان پر تشدد کیا جاتا ہے، انہوں نے حالات بہتر کرنے کی کافی کوشش کی لیکن حالات ٹھیک نہیں ہوئے۔
فریحہ پرویز 34 سالہ نعمان جاوید سے 12 سال بڑی ہیں، دونوں کی شادی کی خبریں رواں سال جنوری میں سامنے آئی تھیں، شادی کے تین مہینے بعد نعمان جاوید نے خود کشی کی کوشش بھی کی تھی۔
