لندن میں فلیٹوں کی خریداری کے لئے رقم کہاں سے آئی؟۔ پیسہ کہاں سے لیا گیا؟۔ وزیراعظم کے بچوں کے وکیل اکرم شیخ نے سپریم کورٹ میں جواب جمع کرا دیا۔
اکرم شیخ کی جانب سے معزز عدالت کو بتایا گیا کہ میاں شریف کے چھ انڈسٹریل یونٹ تھے جن میں سے ایک مشرقی پاکستان اور پانچ مغربی پاکستان میں تھے۔
جنوری 1972 میں میاں شریف کے 6 یونٹس کو سرکاری قبضے میں لیا گیا۔ میاں شریف اس حالت میں دبئی گئے، پاکستان سے سرمائے کی مدد کے بغیر سٹیل مل بنائی۔۔
انہوں نے بتایا کہ پاکستان سے کوئی پیسہ باہر نہیں گیا، اسٹیل مل کے لئے شیخ راشد المکتوم نے سرمایہ فراہم کیا۔
اس میں سے 75 فیصد شیئرز الحالی گروپ کو دیئے۔ 1980ء میں میاں شریف نے مزید 20 فیصد شیئرز فروخت کیے۔
