بورڈ سے جھگڑا، براوو کا کنٹریکٹ ختم

ویسٹ انڈین کرکٹ بورڈ نے اسٹار کرکٹر ڈیرون براوو سے جھگڑے پر ان کا کنٹریکٹ ختم کر دیا ہے، براوو نے بورڈ کی پالیسیوں پر تنقید کرتے ہوئے بورڈ کے صدر کو احمق کہا تھا۔
ویسٹ انڈین کرکٹرز اپنے بورڈ سے بالکل خوش نہیں ہیں اور گزشتہ چند سال میں کھلاڑیوں اور بورڈ کے درمیان معاوضے اور سنٹرل کنٹریکٹ کے معاملے پر شدید اختلافات ہیں۔
انہی اختلافات کے سب پاکستان کے خلاف یو اے ای میں سیریز کے لئے کرس گیل سمیت کئی سینئرز نے کھیلنے سے انکار کر دیا تھا۔ ڈیرن براوو اگرچہ ٹیم کا حصہ بنے لیک انہوں نے بورڈ کے صدر کو شدید تنقید کا نشانہ بنایا تھا۔
ڈیرن براوو نے ٹوئٹر کا سہارا لیتے ہوئے ڈیوڈ کیمرو کا احمق قرار دیا تھا، چند روز قبل بورڈ کے ڈائریکٹر کرکٹر رچرڈ پائی بس نے ای میل میں براوو کو خبردار کیا تھا کہ اگر انھوں نے اپنی ٹویٹ ڈیلیٹ نہیں کی اور معافی نہیں مانگی تو ان کے خلاف سخت کارروائی کی جائے گی۔
ڈیرن براوو ٹیم کے ہمراہ زمبابوے میں موجود ہیں جہاں انہیں سہ فریقی سیریز میں شرکت کرنی ہے تاہم بورڈ نے ان کا کنٹریکٹ منسوخ کرتے ہوئے انہیں واپس آنے کا حکم دے دیا ہے۔