پاکستانی نژاد حسیب حمید نے بھارت کے خلاف سیریزکے پہلے ٹیسٹ میں ڈیبیو کرکے انگلینڈ کے سب سےکم عمر ٹیسٹ اوپنر ہونے کا اعزازحاصل کیا ۔
صرف 19برس 297دن کی عمر میں اپنے کیرئیر کا آغاز کرنے والےدائیں ہاتھ کے بلےبازنے پہلی اننگز میں کپتان ایلسٹر کک کے ہمراہ 47رنزکی شراکت قائم کرکے مہمان ٹیم کو عمدہ آغازفراہم کیا۔
حسیب پہلی اننگز میں 31رنزبنانے میں کامیاب رہے ان کی اننگز میں 6چوکے بھی شامل تھے ۔
انگلینڈ کی دوسری بیٹنگ میں حسیب حمید نے الیسٹر کک کی ساجھے داری میں سنچری شراکت بناڈالی ۔چوتھے دن کے اختتام تک دونوں کی پارٹنر شپ میں 114رنز بن چکے تھے۔
کک 46اور حسیب 62رنز پر ناٹ آؤٹ ہیں ۔اپنے ڈیبیو میچ میں نوجوان بیٹسمین نے بہترین کارکردگی دکھا کر انگلش سلیکٹرزکے دل جیت لیے۔
پہلی اننگز میں تین عمدہ کیچ لینے والے حسیب احمدکی بہترین پرفارمنس سے ایلسٹر کک کو نیا پارٹنر بھی مل گیاہے۔اینڈریواسٹروس کی ریٹائرمنٹ کےبعدانگلش ٹیم گزشتہ چاربرس سے کک کے پارٹنر کی تلاش میں نوکھلاڑیوں کو آزما چکی تھی۔