وزیراعظم نواز شریف نے ترقی کے مخالفین کا ایجنڈا ناکام بنانے کا اعلان کرتے ہوئے کہا ہے کہ دھرنے والوں کو عوام نے مسترد کردیا۔ خیبرپختونخوا میں تبدیلی لارہے ہیں۔ اقتصادی راہداری منصوبہ خطے کا نقشہ بدل دے گا۔
وزیراعظم نے پنڈی بھٹیاں فیصل آباد موٹر وے پر سانگلہ ہل انٹرچینج کا افتتاح کیا۔ اس موقع پر جلسے سے خطاب میں انہوں نے 2018 میں بجلی کی لوڈشیڈنگ ختم کرنے کی نوید سنائی۔
نواز شریف نے تحریک انصاف کی صوبائی حکومت پر تنقید کرتے ہوئے کہا کہ خیبرپختونخوا میں مسلم لیگ ن نیا پاکستان بنارہی ہے۔ حکومت نے کراچی میں دہشت گردی کو ختم کیا۔ تین سال پہلے کے پاکستان سے آج کا پاکستان بہت بہتر ہے۔
وزیراعظم نے پیپلز پارٹی کو نشانہ بناتے ہوئے کہ کہ ماضی کی حکومتیں حاجیوں کو بھی لوٹ لیتی تھیں۔
سانگلہ ہل انٹر چینج پر 29 کروڑ 92 لاکھ روپے لاگت آئی ہے۔ اس منصوبے سے شہر اور گردونواح کے دیہات براہ راست موٹروے سے منسلک ہو جائیں گے۔